අනතුර !

රංජන් ගේ හඬ පටි හා ඔබ නොහිතන ඔබ ඉන්න අනතුර! 

රංජන් රාමනායක කියන පුද්ගලයා හා පුද්ගලික කතා බහ කරපු කිසිම අයෙක් නොහිතුව කාරනාවක්නෙ ඔය කතා බහ හඬපට විදියට එලියට ඒවි කියල. සාමාන්‍යයෙන් ප්‍රසිද්ධ පුද්ගලයන්ගේ හා මාධ්‍ය ක්ෂේත්‍රයේ සිටින අයගේ පුද්ගලික දුරකතන ඇමතුම් පටිගත වීම සාමාන්‍ය දෙයක්. හැබැයි ඒ පටිගත වීම් වෙනම සී ඩී වලට අරන් ඒවා ගබඩා කරල තියාගෙන ඉන්නව කියන එක සාමාන්‍ය දෙයක් නෙමෙයි. ඒක අසාමාන්‍ය දෙයක්. මෙන්න මේ අසාමාන්‍ය දේ නිසා අද වෙනකොට බොහෝ ප්‍රසිද්ධ අයගේ හෙළුව ලෝකෙටම පෙනිල තියනව. සමහර හඬපට අහන්නත් හිරිකිත මට්ටමේ ඒවා. ඒත් දැන් ඒ හඬපට සමාජයට මුදා හැරලා ඉවරයි. ඒවයෙ අයිතිකාරයොත් සමාජයට නිරාවරණය වෙලා ඉවරයි.

♦️ඒත් මේ එලියට ආවෙ සාමාන්‍ය එදිනෙදා කතා බහද ?

නෑ නේද ? මේ එලියට ආව ඔක්කොම සාමාන්‍ය කතා බහෙන් ඔබ්බට ගියපු කතා බහ.

දැන් අපි හැරෙමු , මේ අසාමාන්‍ය කතා බහ ඔබට මට බලපාන්නෙ කොහොමද කියල !

ෆේස්බුක් අවකාශයේ තියනවා එක එක විදියේ සමූහ. මේවායින් කිසිම සාමාජිකයෙක්ට ප්‍රශ්නයක් නැති සමූහ තමයි ,

01 - කාන්තා හා පිරිමි දෙගොල්ලම ඉන්න පොදු සමූහ. ( පබ්ලික් ගෲප් )
02 - කාන්තා හා පිරිමි දෙගොල්ලම ඉන්න ඒත් පොදු නොවන සමූහ ( ක්ලෝස්ඩ් ගෲප් )
03 - කාන්තා සමූහ , ඒත් පොදු ( පබ්ලික් ගෲප් )
♦️ - මම මෙතම පිරිමි විතරක් ඉන්න සමූහ ගැන සඳහන් නොකරන්නේ ඒවා ගැන නොදන්න නිසා.

♦️ඇයි මේවායේ සාමාජිකයන්ට ප්‍රශ්නයක් නොවෙන්නේ ?

ප්‍රශ්නයක් නොවෙන්නේ මේවයේ වෙන කතා බහ ඉතාම සාමාන්‍ය නිසා. ඕනම කෙනෙක්ට විවෘත නිසා. මේ ක්ලෝස්ඩ් ගෲප් වල වුනත් තියෙන්නෙ සමාජයට වැදගත් කියල තියන ලිපි විතරයි . එහෙම නැත්තම් කියවල හිනාවෙන්න රසවිඳින්න පුලුවන් දේ විතරයි. මේවයෙන් කිසිම හානියක් නෑ. මොකද කවුරුත් ම ප්‍රසිද්ධියේ තමන්ගේ හෙළුව ලෝකෙට නොපෙන්වන නිසා.

 ප්‍රශ්නයක් තියන සමූහ වලට වැටෙනවා

♦️කාන්තාවන් විතරක් ඉන්න වැහුනු සමූහ ( ක්ලෝස්ඩ් ගෲප් )

ඇයි මම කියන්නෙ මේවයෙ ප්‍රශ්නයක් තියනව කියල. මේවයේ විවිධ තරාතිරම් වල කාන්තාවන් දහස් ගානක් ඉන්නවා. මෙතනින් එක් කාන්තාවක් රැඩිකල් පන්නයේ කතාවක් කීව ගමන් අනිත් බොහෝ කාන්තාවනුත් තමන් රැඩිකල් බව පෙන්නන්න දෙපාරක් නොහිතාම තමන්ගේ මතය එලිපිට කියන්න පෙළබෙනවා. හැබැයි මෙයාල හිතනවා මෙයාලගෙ මතය ඉතාමත්ම සුරක්ශිතයි කියලා.


♦️ඒත් ඇත්තටම මේ මතය සුරක්ශිතයි ද ?

නිකමට හිතන්න ඔය කාන්තා ක්ලෝස්ඩ් ගෲප් එකක ඉන්න දහස් සංක්‍යාත කාන්තාවන්ගෙන් එක් කෙනෙක්ගේ ෆේස්බුක් ගිණුමක් හැක් කිරීමක් මගින් යනවා තවත් කෙනෙක් අතට. නිකං මනුස්සයෙක් හැක් කරලා තවත් කෙනෙක්ගේ ගිණුමක් ගන්නෙ නෑනෙ. එහෙම ගන්නෙම කුමක් හෝ යටි අරමුණක් එක්ක. යම් මානසික අසහනයක් ඇති කෙනෙක් තමයි එහෙම කරන්නේ. මොකද නිරෝගී මනසක් තියන කෙනෙක්ට එහෙම නිකම්ම නිකං තවත් කෙනෙක්ගෙ ෆේස්බුක් ගිණුමක් ගන්න ඕන්නෑනේ. මොකද අපි මහා ප්‍රසිද්ධ චරිත නෙමෙයි නෙ. දෙකෝටියකට වඩා ඉන්න ලාංකිකයො අතරෙත් අපිව නමින් හොඳටම දන්නෙ උපරිම 5000 ක් 6000 ක් , හෝ උපරිම ලක්ශයක් නෙ. ඉතින් ඇත්තටම අපි ප්‍රසිද්ධ චරිත නෙමෙයි. නිකම්ම නිකං චරිත. ඉතින් එහෙම චරිතයකගේ ගිණුමක් හැක් කරල ගන්නෙම විකෘති මනසක් හිමි කෙනෙක් !

දැන් මේ විකෘති මනසක් හිමි කෙනා මේ ගිණුම අරන් පොල්සම්බෝල හදන්නෑනෙ නේද ? මෙයා කරන්නෙ අර ගිණුමේ මැසෙන්ජර් බලන එක , ඊගාවට අර මැසෙන්ජර් වල ඉන්න ලිස්ට් එකට අසැබි වචන වලින් අමතන එක , ඊගාවට කරන්නේ ඒ කෙනා සක්‍රීය සමූහ වලට එබෙන එක !

♦️අන්න ඔබ ඔබවම අමාරුවෙ දාගන්න තැන !...

මේ සක්‍රීය සමූහ වල තියන සාමාන්‍ය කතා බහ මේ විකෘති මනසක් හිමි කෙනාට වැඩක් නෑ.

😈හැබැයි අසාමාන්‍ය කතා බහ !

මෙන්න මේක මේ කෙනාට ඉල්ලමක් කරගන්න පුලුවන් !

අන්න ඒ නිසාම ඔබ තැනක හැසිරෙනකොට , තමන්ගෙ මතය එලියට දෙනකොට , අනේ මෙතන මාරම සුරක්ශිතයි කියලා නම් හිතන්න එපා.

♦️සයිබර් අවකාශයේ කිසිවක් සුරක්ශිත නෑ ! කිසිවක්ම සුරක්ශිත නෑ !

ඔබේ මතය එලියට දෙනකොට , ලයික් , කමෙන්ට් වලට ආසාවෙන් දෙයක් ලියනකොට , දෙපාරක් නෙමෙයි ලක්ෂ වතාවක් හිතන්න ,

🌹මේක දවසක මගේ පවුලෙ මිනිස්සු දැක්කොත් මොනා වේද කියල ?
🌹මේක දවසක මගේ හස්බන්ඩ් දැක්කොත් එයාට කොහොම හිතෙයිද කියලා ?
🌹මේක දවසක එලියට ආවොත් මගෙ දරුවො කොහොම හිතයිද කියල ?

අන්න එහෙම හිතලා , තමන්ගෙ මතය එලියට දෙන්න !...

♦️තමන්ගෙම අතින් තමන්ගෙම බෙල්ල කපාගන්න එපා !

🌹දුරකතන සංවාදයක් වත් සුරක්ශිත නොවූ රටක , ෆේස්බුක් අවකාශයේ සුරක්ශිත තාවයක් හොයන්න එපා !

©️ප්‍රභානී තෙන්නකෝන්.